Tơ̆ Jakarta, teh đak Indonesia, Kơdră jang tang măt Vũ Hồ, axong jang Kơdră SOM ASEAN Việt Nam chĕp kơ̆l khul kơpal Việt Nam năm hop akŏm Khul Kơpal ASEAN (SOM) păng Tơdrong hop akŏm 'măng mă 15 Grŭp Axong pơm jang kơ  ASEAN (ACCWG) găh Timor-Leste vă mơ̆t jang lơ̆m ASEAN. Tơ̆ Hop akŏm SOM, rim Kơdră kơpal kơ ASEAN hlôi hăt hot pơma đam păng pơdrơ̆ng găh trong tơlĕch jang dôm tơdrong axong jang kăl kơ ASEAN lơ̆m xơnăm 2023, đei hloi hơtŏk mŭk drăm păng hơmet pơ-'lơ̆ng; hơtŏk tơdrong rơgei păng jang đei jơnei pơkăp kơ ASEAN; tơjră hăm dôm tơdrong tơnap tap găh vei xơđơ̆ng tơpôl ưh kiơ̆ pơkăp. Lơ̆m hop akŏm 'măng mă 15 Khul pơm jang kơ Jơnŭm Axong jang ASEAN găh tơdrong mă teh đak Timor Leste apinh mơ̆t jang lơ̆m ASEAN, dôm teh đak drơ̆ng nơ̆r pơtoi tơgŭm Timor Leste hơtŏk tơdrong rơgei, dar deh pơm trŏ dôm tơchơ̆t vang jang kơ ASEAN.