Pơma pơtôch hop akŏm, Thủ tướng Phạm Minh Chính lăp đon hăm dôm tơdrong jang đei ‘lơ̆ng đơ̆ng rŏng kơ hop akŏm mă 3 Anih pơgơ̆r jang, Thủ tướng hôn bơnê dôm tơring năng atŭm đei lơtơ drong adrin mư̆h bơ̆ jang.

Mă loi, Hà Nội, plt HCM păng dôm khul bơ̆ jang adrin tơlĕch 2 tơdrong jang pơm trong ver 3 plt HCM păng trong ver 4 tơ ring Kơdrâm tơ̆ Anih tơm Hà Nôị, mă loi jang pran ‘lơ̆ng tơdrong chưk pơ ‘ngoăih tĕh, tơgĕch iŏk đei tơdrong tơgŭm đơ̆ng kon pơlei.

Dôm dêh char Đồng Tháp, Hậu Giang, Cà Mau, Đồng Nai… kŭm tơlĕch jang tôch ai tơdrong ‘nâu. Dang ei, hơnăn tơdrong jang gĭt kăl kơ tĕh đak, tơdrong jang tơm đơ̆ng Anih vei lăng trong nơnăm đei 21 tơdrong jang tih hăm dang 70 tơdrong jang iĕ.