Truh dang ei lơ̆m teh đak oei đei dang hlŏh 315 rơbâu unh hnam pơmat tat găh hnam oei kăl đei tơgŭm vă pơm hơmet hnam kơjăp ‘lơ̆ng, pơm ‘lơ̆ng ăn tơdrong arih xa, jang xa, vang tơgop bơ̆ jang đei dôm tơdrong tơgŭm hăm bơngai đei kŏng, jang đang đon pơhnŏng tơjur tơnuh hin kơjăp ‘lơ̆ng, vei lăng ‘lơ̆ng tơdrong arih xa tơpôl.

Pơma nơ̆r pơtho tơ̆ hop akŏm, Thủ tướng Phạm Minh Chính athei dôm bơngai jang lơ̆m Anih pơgơ̆r jang pơma nuh, roi tơƀôh mă tơpăt ‘lơ̆ng, tơlĕch đei trong pơgơ̆r jang mă lăp, rơđăh rođong vă bơ̆ jang đang ‘lơ̆ng tơdrong jang, khŏm jang kĕh lơ̆m sơnăm 2025. Tơblang hơdăh, chih tơlĕch dôm tơdrong pơmat tat, tơhlăk tăk păng trong hơmet pơ ‘lơ̆ng, trong pơgơ̆r bơ̆ jang vă gơ̆h jang đang lơ̆m sơnăm 2025.