Thủ tương ăn tơbăt, truh khei năr âu bơ̆n đei jơnei tôm 15 tơchơ̆t gah mŭk drăm – tơpôl sơnăm 2024, mă kăl noh hơtŏk hloh 7%. 'Nâu jĭ minh tơdrong jang đei jơnei hơtŭm kơ teh đak, lơ̆m noh đei tơdrong tơgop kăp gĭt đơ̆ng tơdrong jang tơbôl gah mŭk drăm. Thủ  tướng pơtruh nơ̆r, rim bơngai tang măt truh hop akŏm sơkơ̆t hơdah tơdrong hơlen chih akŏm dôm trong jang păng pơ̆n chă tơlĕch pơm jang vă hơtŏk tơ-iung lơ̆m khei năr truh âu kơnh, păng pơm thoi yơ vă hơvơn đei bôl boăl apŭng plenh teh asong jang lơ hloh tơ̆ Việt Nam.

Thủ tướng ră hơdah, bơ̆n athei sơkơ̆t iŏk jơhngơ̆m pran lơ̆m teh đak vă pơm jang ăn đunh khei năr, mă lei jơhngơ̆m pran đơ̆ng 'nguaih adoi kăp gĭt mơ̆n; athei hơtŏk jang kiơ̆ trong jang 'nao hơgei; athei hơtŏk trong jang gah mŭk drăm pran hloh; păng akŏm pơtho bơngai jang hơgei, hơvơn akŏm đei bơngai hơgei, tơplih 'nao păng athei pơgơ̆r jang tơnăp hơgei hloh.