Hop akŏm đei pơgơ̆r lăp đơ̆ng kơ Khŭl kơdră teh đak  tơlĕch Tơdrong bơ̆ jang jăl jang 2022-2026 bơ̆jang kiơ̆ Tơdrong tơchơ̆t kơ sô̆ 15 đơ̆ng Ban Bí thư găh tơdrong jang tơbôl mŭk drăm pơyua ăn hơtŏk tơiung teh đak truh sơnăm 2030. Pơma tơ̆ hop akŏm, Thủ tướng Teh đak pơma hơdăh hơtŏk loi dơ̆ng jang tơbôl mŭk drăm ‘noh jĭ trong jang tih đơ̆ng Đảng păng teh đak lơ̆m jăl jang tŭn pran kơ măy kơmŏk ‘nao.

Tơdrong bơ̆jang đơ̆ng Khŭl kơdră teh đak băt hơdăh trong jang kăl “ Đon tơchĕng pơcheh hơgei, bơ̆jang kơtang, tơ jră tơtĕnh, đei yua, iŏk jang păng tơgĕch rim tơdrong hiôk ăn hơtŏk tơiung teh đak” păng tơlĕch ăn 07 grŭp hơnăp jang tơm găh jang tơbôl mŭk drăm đơ̆ng dang ei truh sơnăm 2026. Thủ tướng athei Hop akŏm âu akŏm hơlen lăng jrŭ tơdrong, tơgĕch iŏk tơdrong hiôk vă pơih xă tĕch tơlĕch tơ̆ teh đak đe, tơmơ̆t jên jang, tơmang lăng, khoa hŏk - kơmăy kơmŏk, iŏk jang dôm tơdrong ‘lơ̆ng jang tŏk ‘nao. Đơ̆ng noh, tơlĕch dôm trong jang đei yua Tơdrong bơ̆jang đơ̆ng khŭl kơdră teh đak, hăm jơhngơ̆m đon tơplih tơdrong krê hơmơt jing tơdrong hiôk; băt hơdăh dôm tơdrong kăl kơ hơmet pơ ‘lơ̆ng, tơlĕch jang hrôih; dôm trong vă jang, hơnăp jang lơ̆m păh lăp păng đunh khei ‘năr.