Tơ̆ hop akŏm, dôm bơngai tang măt pơma nuh tôm tơdrong găh tĕch mơdro Việt Nam - Trung Quốc, anih dơ̆ng, hơnăp jang đơ̆ng Quảng Tây lơ̆m tơdrong tĕch mơdro 2 pang păng tơlĕch trong vă jang hơdoi hăm Quảng Tây păng Trung Quốc; Dôm tơdrong hơgăt găh hơlen năng pơrang jĭ hăm tơmam pơtăm păng vei lăng rơgŏh ‘lơ̆ng tơmam vă tĕch tơ̆ Trung Quốc; Tĕch mơdro tơmam đơ̆ng choh jang xa tơ̆ tĕh đak đe, tơmam xa tơ̆ Trung Quốc; sek tơlang dôm tơdrong tơhlăk kiơ̆ tơdrong tơchơ̆t 248, 249.

Đơ̆ng dôm tơdrong pơmat tat, ưh hơ-iă tơ̆ yăn âu, dêh char Lạng Sơn athei Khul kơdră tĕh đak tơrĕk, đei nơ̆r pơtho tơmât jên jang pơm trong hrơ̆ch ‘lơ̆ng tơ̆ tơring sơlam, năng kăl pơ ‘nhŏ hơdrol mưh chă rơih mĭnh ƀar tơring sơlam pran ‘lơ̆ng, gơ̆h jang tŏk hrĕnh vă pơjing jơhngâm pran păng tơguăt trong jang hơdoi lơ̆m tơring mưh tĕch mơdro tơ̆ tơring sơlam.