Tơ̆ jơ bơ̆ jang, ƀar păh hlôi atŭm dih băl lăng hơlen, pơma dơnuh găh tơgoăt jang hơdoi ƀar teh đak, ƀar Kuŏk hô̆i lơ̆m khei năr au ki.

Pơtôch jơ bơ̆ jang, ƀar păh vang kĭ pơkăp Drơ̆ng mĭnh nơ̆r jang hơdoi ƀar păh Jơnŭm vei lăng Kon kông Kuô̆k hô̆i Việt Nam hăm Hơnih bơ̆ jang vei lăng Kon kông Kuô̆k hô̆i Lào. Lơ̆m au, drơ̆ng mĭnh nơ̆r jang hơdoi kơjăp, atŏk kơtang pơma dơnuh tơbăt dih băl rim kơtơ̆ng ang, trong jang gơ̆h lơ̆m bơ̆ jang đei ƀơm truh tơdrong bơ̆ jang, gơh jang kơ rim păh; tơbăt dih băl kơtơ̆ng ang găh pơtôch dăr lăng hơlen, jang kiơ̆ trong bơ̆ jang, trong pơprŏ vă jang tim tơdrong jang atŏk tơ iung mŭk drăm-tơpôl tơring kon kông, groi kông; jang hơdoi pơgơ̆r rim ‘măng hop akŏm, pơma dơnuh.