‘Nou jing ‘măng hop akŏm mă 2 lơ̆m khei 4 vă pơma dơnuh khôi luơ̆t, ăn tơgop nơ̆r mĭnh ƀar trong vă pơjing khôi luơ̆t gô vă pơtruh ăn Kuô̆k hô̆i lăng hơlen tơ̆ ‘măng hop akŏm mă 9 kơnh. Iung pơma tơ̆ hop akŏm, Thủ tướng Phạm Minh Chính tơbăt, tơ̆ ‘Măng hop akŏm mă 9, Kuô̆k hô̆i jăl XV, khul kơdră teh đak gô vă pơtruh ăn Kuôk hô̆i 63 hla bơar tơroi tơbăt, lơ̆m ou đei 37 Khôi luơ̆t păng tơdrong tơchơ̆t. ‘Nou jĭ dôm hla bơar kăl hloh, đei ƀơm truh đĭ đăng tơdrong jang mŭk drăm-tơpôl. Tơdrong jang tôch kơ lơ, trăp trĭn, kăl kơrŭn đĭ ai, akŏm khul jang lơ, iŏk chĕp pơgơ̆r, pơrô̆ jang pơm keh đang trong vă pơjing khôi luơ̆t. Adoi iung jang hơdoi hăm rim hơnih bơ̆ jang kơ Kuô̆k hô̆i lơ̆m dăr lăng hơlen, tơblang hơdăh, tơgoăt iŏk, hơmet ming khôi luơ̆t. Tơtom tơroi tơbăt truh dôm tơdrong đei ƀôh dơ̆ng, dôm tơdrong gơh jang.