Jăl truh âu kơnh, Anih jang vei lăng kon pơlei dêh char Đăk Lăk pơkăl Jơnŭm pơgơ̆r teh đak hơtŏk tơdrong pơm tơlĕch unh hơyuh đơ̆ng kial, unh hơyuh jơ̆ng ‘năr tơ̆ dêh char lơ̆m Pơkăp Unh hơyuh 8; dăh hrôih kĭ Pơkăp Unh hơyuh 8 păng kơjă răt unh hơyuh jơ̆ng ‘năr, kơjă răt unh hơyuh pơm tơlĕch đơ̆ng kial; dăh hrôih tơlĕch tơchơ̆t tĕch pơlong kơjă păng kơjă răt unh hơyuh hăm tơdrong pơkăp jang unh hơyuh jơ̆ng ‘năr, unh hơyuh đơ̆ng kial hrau dih băl. Pơma ăh ‘măng hơlen, yă Lê Thị Thanh Xuân, Phŏ Kơdră Khul Kơpal juăt jang tang măt ăn Kuôk hô̆i dêh char Đăk Lăk pơkăl, Anih jang vei lăng kon pơlei dêh char hơmet tơlĕch, pơtrruh nơ̆r vă Khul chă hơlen, xơkơ̆t, chih akŏm dôm tơdrong kăl ăn ‘măng Hop akŏm Kuôk hô̆i vă pơklaih dôm tơdrong tơnap tap, tơhlăk tơhlĭn vă pơm trong hiôk ăn hơtŏk mŭk drăm – tơpôl tơ̆ tơring. Atŭm hăm noh, pơkăl Anih jang vei lăng kon pơlei dêh char hơtŏk tơdrong vei hơlen đơ̆ng teh đak lơ̆m tơdrong pơm kiơ̆ tơchơ̆t, khôi lươ̆t teh đak găh hơtŏk unh hơyuh tơ̆ tơring kiơ̆ đơ̆ng chă hơlen tơnăp.