47 sơnăm au ki, kiơ̆ yok păng jang kiơ̆ joăt joe kơ Ƀô̆ đô̆i Trường Sơn, Binh đoàn 12- Hơnih sơdrai Tơring Tŏk bŏk jang ‘lơ̆ng hloi bơ̆ jang hrip pleh ƀôm min, adoi pơih să tơdrong jang mơdro sa. Hơnih au hlôi vang jang ming man păng jang keh đang ‘lơ̆ng rim trong nơnăm, pơnơ̆t đak lơ̆m Teh đak ƀlep khei ‘năr pơkă, kơjăp ‘lơ̆ng.

Tơ̆ jơ bơ̆ jang, Kơ iĕng Kơdră chĕp pơgơ̆r Kuô̆k hô̆i Trần Quang Phương athei kang ƀô̆, ƀô̆ đô̆i Binh đoàn 12 tơlĕch jang tôm tong tơdrong jang chĭnh trĭ mă Hơnih Đảng Ƀô̆ đô̆i Trung ương pơjao, jang ‘lơ̆ng hloi tơdrong bơ̆ jang păng pơhrăm iung tơblăh. Hrei au, Đảng, teh đak, kon pơlei yom kơjăp pơjao ăn Binh đoàn 12 iung jang minh ƀar tơdrong jang kăl kơ Teh đak. Kơ iĕng Kơdră chĕp pơgơ̆r Kuô̆k hô̆i athei Binh đoàn 12 kăl iung jang keh đang, kơjăp ‘lơ̆ng, ưh kơ lê̆ đei tơdrong sar bar au to.Lơ̆m iung bơ̆ jang, kăl lăng kơjăp tơdrong ‘lơ̆ng kơjăp, kăl hơlen hơdăh truh tơdrong kăp gĭt kơjăp ‘lơ̆ng.