Iung pơma tơ̆ Hop akŏm Kơdră kơpal, Kơ iĕng Thủ tướng Teh đak Trần Lưu Quang sơkơ̆t hơdăh Nơ̆r Tơchơ̆t Pơm tơm kơdih kon bơngai apŭng plĕnh teh păng Nơ̆r tơbăt păng Tơdrong iung jang Vienna găh tơdrong pơm tơm kơdih kon bơngai ‘noh dôm trong jang kơjăp vă tơpôl apŭng plĕnh teh atŭm dih băl atŏk kơtang ƀôh hơdăh păng iung jang vă pơtrŭt kơtang vei lăng năng tông tơdrong pơm tơm kơdih kon bơngai păng hlôi iŏk đei jơnei gĭt kăl lơ̆m dôm anglŏ sơnăm au ki.

Kơ iĕng Thủ tướng Trần Lưu Quang sơkơ̆t hơdăh trong jang kơ Việt Nam vang jang lơ̆m Khul bơ̆ jang vei lăng Pơm tơm kơdih kon bơngai ‘nŏh: “Yom kiơ̆ păng hlôh vao. Pơma dơnuh păng jang hơdoi. Đĭ đăng rim tơdrong pơm tơm kơdih kon bơngai ăn rim răih bơngai”. Kơ iĕng Thủ tướng pơma hơdăh, kăl iung jang hơdrol lơ̆m Tơdrong bơ̆ jang sơnăm 2030 kơ yuơ tơdrong atŏk tơ iung kơjăp ‘lơ̆ng kơ Liên hợp quốc păng rim nơ̆r pơkăp trŏ ƀlep hơ iă hăm tơplih tŏ ‘mi kial.