Sơnăm 2022, lơ̆m teh đak đei hloh 600 ‘măng pơm glăi tơdrong sơđơ̆ng gre păr, tŏk hloh 400 ‘măng pơtêng hăm sơnăm 2021; măt bơngai tơmoi ưh kơ ăn jur tŏk kơtang; măkăl đei 2 ‘măng pơm pơjoă chư̆ kơnê̆. Mă lei dôm tơdrong pơm glăi jei đei hơmet pơ ‘lơ̆ng tĕnh koăng, ưh kơ lê̆ đei tơdrong ưh sơđơ̆ng, vei lăng ‘lơ̆ng ăn  gre păr chă păr jur.

Pơma pơtôch hop akŏm, Kơ iĕng Thủ tướng Trần Lưu Quang pơma hơdăh, xơkơ̆t hơdăh tơdrong vei lăng sơđơ̆ng dơ̆ng kơ jăp hơnih jang gre păr ‘nŏh jing tơdrong jang chĭnh trĭ tơm dơnơm hloh. Kơ yuơ lơ loh, rim hơnih tơm, hơnih bơ̆ jang, tơring kăl kơ rŭn jơhngơ̆m bơ̆ jang kơjăp lơ̆m vei lăng năng tông sơđơ̆ng. Adoi iung jang hrơ̆p mĭnh ‘măng rim trong jang vei lăng sơđơ̆ng dơ̆ng kơjăp, tang găn hơlau đe pơm chư̆ kơnê̆, phă pơrăm tơ̆ rim hơnih bơ̆ jang kơ hơnih jang gre păr.