Grŭp jang Sunny (Trung Quốc) joăt pơm tơlĕch tơmam drăm đei ƀơm truh điên thoăi, kmăi kmŏk kam ư̆ng păng kmăi kmŏk vei lăng sơđơ̆ng. Tơ̆ jơ sơng, Kơ iĕng Thủ tướng Teh đak Trần Lưu Quang sơkơ̆t hơdăh, Grŭp jang Sunny rơ̆ih tơmơ̆t jên jang tơ̆ Thái Nguyên ‘nŏh trong tơchơ̆t tôch trŏ ƀlep kơ yuơ ‘nau dêh char hlôi joăt jang lơ̆m tơmơt jang tơdrong vă jang kmăi kmŏk hơgei.

Kơ iĕng Thủ tướng Trần Lưu Quang ‘meh vă grŭp jang hơnơ̆ng tơmơ̆t jên jang kmăi kmŏk hơgei tơ̆ Việt Nam pơma atŭm hăm Thái Nguyên pơma hơdrô̆ vă pơjing tơdrong jang kơ Sunny tơ̆ Việt Nam. Grŭp tơƀơ̆p pơma dơnuh atŏk tơ iung mŭk drăm Kyushu (Nhật Bản), Kơ iĕng Thủ tướng Trần Lưu Quang hmach chơt hơ iă ăn khul hlôi et hơtŏk hơnih tơm tơƀôh tơbăt Kyushu tơ̆ Hà Nội, ‘nau đei lăng jing gơng tơroh klŏh klĕch ăn atŏk tơ iung trong jang hơdoi kơ tơring Kyushu păng Việt Nam. Găh jang hơdoi ppơtho pơjing khul jang, Kơ iĕng Thủ tướng Trần Lưu Quang tơbăt, bơngai Việt Nam jĭ bơngai hơdrin, pơnam, kơ yuơ lơ loh jang hơdoi lơ̆m dôm bơngai jang  điều dưỡng viên ‘noh tôch kơ trŏ lăp.