Kơdră Anih jang Twên yăo Trung ương Nguyễn Trọng Nghĩa pơma ăh hop akŏm

Tơ̆ 'măng pơm jang, đe kơdră kơ Anih tơm jang vei lăng jơhngơ̆m jăn, vei lăng pơgang, hơlen pơrang jĭ xơkơ̆t, dôm tơdrong đei jơnei lơ̆m tơdrong jang hadoi hăm Anih jang Twên yăo Trung ương jăl xơnăm 2021-2025. Kiơ̆ kơ noh, 2 păh hlôi jang hadoi tơroi tơtom dôm kơtơ̆ng ang, hla bar chih răk, mă kăl noh lơ̆m tơdrong jang tang găn păng tơjră pơrang jĭ  COVID-19. Tơroi hơvơn pơtho kon pơlei vei lăng, hơtŏk jơhngơ̆m jăn... Tang măt ăn Kơdră Đảng, Khul Kơpal teh đak, Kơdră Anih jang Twên yăo Trung ương Nguyễn Trọng Nghĩa hmach bơnê kơ dôm tơdrong kơ-'nôh, tơdrong plang tih tên đơ̆ng Anih jang vei lăng jơhngơ̆m jăn, vei lăng pơgang, hơlen pơrang jĭ păng jơnŭm thâi pơgang, y ƀak sih lơ̆m khei năr âu ki. Atŭm hăm noh pơtruh hăm tôm bơngai jang nơ̆r thơ thâi 'lơ̆ng hơ-iă ƀơ̆t tơbăt 68 xơnăm 'Năr Thâi pơgang Việt Nam.  Kơdră Anih jang Twên yăo Trung ương ră hơdăh, lơ̆m khei năr truh, Anih jang vei lăng jơhngơ̆m jăn, vei lăng pơgang, hơlen pơrang jĭ gô pơtoi tơjră hăm lơ tơdrong tơnap tap, hrat hrĭn; pơkăl, dôm jăl jang Đảng, jơnŭm pơgơ̆r tơring pơtoi tơrĕk trŏ ƀlep hăm Anih jang vei lăng jơhngơ̆m jăn, vei lăng pơgang, hơlen pơrang jĭ păng tơdrong jang vei lăng jơhngơ̆m jăn kon pơlei. Akŏm tơdrong hiôk hloh vă ming man hnam pơgang, anih vei lăng jơhngơ̆m jăn kơjăp rơgei kloh klĕch hloh.