Tơ̆ jơ pơma đam, 2 ‘nu ƀok Kơdră chĕp kơ̆l Anih jang tơbôl kơ Trung ương drơ̆ng nơ̆r, 2 anih jang tơbôl kơ Trung ương hơnơ̆ng jang hơdoi kơjăp mưh pơgơ̆r tơƀâp, pơma nuh ăn dôm khul jang kơpal đơ̆ng 2 Đảng, 2 tĕh đak; hơtŏk hơ năp jang roi tơƀôh, pơgơ̆r jang dôm tơdrong kiơ̆ tơdrong drơ̆ng nơ̆r đơ̆ng kơdră chĕp kơ̆l 2 Đảng păng 2 tĕh đak, ‘moi kiơ̆ dôm tơdrong gĭt kăl hlôi đei drơ̆ng nơ̆r păng đei tơrĕk truh, vang tơgop hơmet kơ jăp tơdrong pơvei chinh trĭ đơ̆ng Đảng Cộng sản Việt Nam păng Đảng Cộng sản Cuba, tưk tơ-iung tơdrong jang hơdoi tôm tơdrong đơ̆ng 2 tĕh đak roi đunh roi xă, roi đei yoa hlŏh dơ̆ng tơ̆ hơnăp kơnh.