Khŭl hlôi năm ngôi păng hmach hơiă kơ rim ƀok soi păng kon pơlei kiơ̆ lui tơ̆ Hnam hơkŭm tơm kŏng yăo Buôn Ma Thuột, Khŭl tang măt lui Tin lành dêh char, hơnih hŏk pơm yă giĕng Hòa Bình, Hnam hơkŭm kŏng yăo Ban Mê Thuột, Anih tơgoăt pôm nơ̆r ƀơ̆r đon Kŏng yao dêh char, Khŭl lui Tin lành A lê A.

Tang măt kơdră chĕp kơ̆l dêh char Đắk Lắk, ƀok Trương Công Thái, Phŏ kơdră Anih vei lăng kon pơlei dêh char gơih nơ̆r hmach hơiă nôl el sơđơ̆ng ‘lơ̆ng, hiôk chơt truh tơpôl lui kŏng yăo, chih iŏk dôm tơdrong tơgop đơ̆ng kon pơlei kiơ̆ lui lơ̆m tơdrong hơtŏk tơiung atŭm kơ dêh char. Hơdai hăm pơma hơdăh, dêh char ling lang lăng kăl tơdrong pơjing tơdrong pơvei ‘lơ̆ng hơiă đơ̆ng dôm khŭl lui păng tơpôl kon pơlei oei, pơm tơiung 1 hơnih hơrih hiôk hian, tơgoăt pôm ƀơ̆r đon.