Iung pơma tơ̆ pơm lêh, Kơdră chĕp pơgơ̆r Kuô̆k hô̆i pơma tơbăt jơhngơ̆m đon ƀlŏk hơdơ̆r kơ Tổng Bí thư Lê Duẩn-Kơdră chĕp pơgơ̆r gơ̆h hơgei, bơngai tơgoăt iŏk tơdrong jang gơ̆h hơgei tơdrong jang kĕch mang kơ Ƀok Hô. Adoi pơma hơdăh, ƀok Lê Duẩn ưh khan lăp kơdră chĕp pơgơ̆r chinh trĭ-ƀô̆ đô̆i gơ̆h hơgei mă oei bơngai jang lý luận hơgei đei trong tơchăr hơ iă, tơgop pơjing đei trong jang kĕch mang Việt Nam. Lơ̆m jơ ‘năr gĭt kăl, hưch hanh hơmanh bơnê pơđĭ lơ̆m teh đak lăng truh tơbăt 50 sơnăm Năr Rơngei tơring Pơbăh, Teh đak rơngei keh kong, Kơdră chĕp pơgơ̆r Kuôk hô̆i Trần Thanh Mẫn hăm Khul bơ̆ jang hlôi soh hlôt nhang tơbăt ăn rim ƀô̆ đô̆i nuih mơng lôch dŏng teh đak tơ̆ Pơlei tơm so Quảng Trị. Kiơ̆ đơ̆ng rŏng ‘noh, khul hlôi năm ngôi hăm ŭnh hnam đei iŏk yua ăn teh đak tơ̆ tơring Hải Thượng, apŭng Hải Lăng.