Kơdră chĕp pơgơ̆r Kuô̆k hô̆i Vương Đình Huệ hmach chơt hơ iă dôm tơdrong iŏk đei jơnei tih tên, tôm tong mă Đảng, Teh đak Lào pơma atŭm, Kuô̆k hô̆i Lào pơma hơdrô̆ hlôi iŏk đei lơ̆m khei năr au ki; hôn bơnê kơtang tơdrong mă khul lăng truh lơ̆m ‘măng năm tơmang au, ‘nŏh găh khul chep pơgơ̆r, tơdrong bơ̆ jang khul kơdră Trung ương păng tơring.

Kơdră chĕp pơgơ̆r Kuô̆k hô̆i Vương Đình Huệ sơkơ̆t hơdăh, Kuô̆k hô̆i Việt Nam ling lang pơma dơnuh dih băl dôm tơdrong băt hăm Kuô̆k hô̆i Lào păng jei tôch ‘meh vă băt trong jang hơ iă đơ̆ng păh boăl vă Kuô̆k hô̆i Việt Nam bơ̆ jang roi năr roi jơnei hloh dơ̆ng. Lơ̆m sơnăm 2023, Kuô̆k hô̆i Lào gô akŏm tơplih ‘nao trong jang păng atŏk kơtang bơ̆ jang ‘lơ̆ng, pơgơ̆r iŏk nơ̆r lui yom hăm dôm bơngai iok jang kơchư̆k mă Kuô̆k hô̆i pôk tơmơ̆t, kĭ tơmơ̆t lơ̆m sơnăm 2023.