Iung pơma pơjao bơ̆ jang, tang măt ăn Kơdră chĕp pơgơ̆r Đảng păng teh đak, Kơdră chĕp pơgơ̆r pơgia Teh đak hmach chơt hơ iă ăn 15 ‘nu Kơdră tang măt Teh đak đei pôk tơmơ̆t, lui rim Kơdră tang măt gô bơ̆ jang keh đang dôm tơdrong jang đei pơjao.

Kơdră chĕp pơgơ̆r pơgia Teh đak athei rim Kơdră tang măt teh đak chĕp pơgơ̆r pơrô̆ jang rim hơnih tang măt Việt Nam tơ̆ teh đak đe kiơ̆ yok rok jơ̆ng tơdrong joăt joe păng gơ̆h hơgei jang tơbôl đơ̆ng mĕ ƀă yă ƀok hơdrol, iung jang ‘lơ̆ng tơdrong bơ̆ jang tơbôl chăl Hồ Chí Minh, pơma sa ‘lơ̆ng, gơ̆h hơgei mă lei jei pran kơtang, nuih mơng; bơ̆ jang ‘lơ̆ng trong chĕp pơgơ̆r đơ̆ng Tổng Bí thư Nguyễn Phú Trọng tơ̆ Hop akŏm Tơgoăt tơgoăl jang tơbôl lơ̆m teh đak tơlĕch jang kiơ̆ Tơdrong tơchơ̆t pơm lêh Hop akŏm mă XIII kơ Đảng; pơgĕnh dôm tơdrong rơvơn, yak hloh tơdrong tơnap tap tơdrong long vă jang keh đang ‘lơ̆ng tơdrong bơ̆ jang mă Đảng, Teh đak păng Kon pơlei pơjao ăn.