Kiơ̆ tơroi, jê̆ 2 xơnăm kơ jăl jang 2021-2026, Jơnŭm Chih akŏm Pơma xa Trung ương hlôi keh đang tơnăp dôm tơdrong jang đei pơjao hơdăh noh: Vang pơgơ̆r iŏk jang, tơtom hơdăh dôm Hla bar pơkăp, Tơchơ̆t Hop akŏm 13 kơ Đảng vă tơgop dăh hrôih hơ-'nhăk tơchơ̆t đơ̆ng Đảng lơ̆m tơdrong erih. Pơma pơgơ̆r ăh jơ bơ̆ jang, Kơdră Juăt jang lơ̆m Ƀan ƀĭ thư Võ Văn Thưởng pơkăl, khei năr truh  Jơnŭm Chih akŏm Pơma xa Trung ương kăl akŏm pơm kiơ̆ minh ƀar tơdrong jang tơm, lơ̆m noh hơtŏk pơ-'lơ̆ng hloh dơ̆ng dôm tơdrong tơroi đơ̆ng Jơnŭm jang păng athei akŏm păng iŏk yua dôm tơdrong rơgei đơ̆ng đe khua hŏk, anih jang chih akŏm hơlen lơ̆m jâ̆p teh đak; pơkăl Anih jang Trung ương Đảng păng dôm anih jang tơm, anih jang đei tơrĕk jang atŭm, vă Jơnŭm Chih akŏm Pơma xa Trung ương keh đang tơnăp xơnong jang đei pơjao.