Kơdră kơ dôm teh đak pơtruh nơ̆r thơ thâu hơ-iă hăm Kơdră teh đak bơ̆n Võ Văn Thưởng
Thứ năm, 10:14, 09/03/2023
VOV/Lan tơblơ̆
VOV/Lan tơblơ̆
VOV4.Bahnar – Ƀơ̆t 'măng ƀok Võ Văn Thưởng đei Kuôk hô̆i jăl 15 pôk jang Kơdră teh đak CHXHCN Việt Nam, kơdră dôm teh đak păng anih jang apŭng plenh teh: Brunei Darussalam, Singapore, Hàn Quốc, Australia, Belarus, Bangladesh, Luxembourg, Nicaragua, ASEAN păng Anih jang găh Tơmam xa Choh pơtăm Liên hơp kuôk hlôi pơtruh nơ̆r thơ thâu hơ-iă.
Lơ̆m kơthơ pơtruh, ƀok pơtao teh đak Brunei Darussalam Haji Hassanal Bolkiah xơkơ̆t, hơpơi 'moih đei jang hadoi kơjăp hăm ƀok Kơdră Võ Văn Thưởng lơ̆m khei năr truh vă kơhret kơjăp hloh tơdrong tơbôl kăp gĭt kơ 2 teh đak lơ̆m tôm tơdrong jang hadoi 2 păh adoi nhen hăm xơnong jang hadoi tơguăt lơ̆m ASEAN. Lơ̆m kơthơ pơtruh, Kơdră teh đak Cộng hòa Singapore Halimah Yacob păng Thủ tướng Lý Hiển Long lui ngeh 2 teh đak gô pơtoi jang hadoi pran kơtang hloh lơ̆m dôm tơdrong jang 'nao nhen pơ-'lơ̆ng unh hơyuh păng pơkăp hơyuh carbon; tơbang đon hơpơi 'moih jang hadoi kơjăp hăm Kơdră teh đak bơ̆n Võ Văn Thưởng vă hơtŏk hloh tơbôl jang hadoi atŭm pơyua kơ 2 teh đak.
Viết bình luận