Pơma ăh hop akŏm, Kơdră Kuôk hô̆i Vương Đình Huệ minh 'măng dơ̆ng ră hơdăh, âu jing trong jang đơ̆ng hrôih, đơ̆ng ataih, adrol kơ pơtruh ăn Anih Juăt jang kơ Kuôk hô̆i tơgop nơ̆r ăh 'măng mă hơtuch luch. Đơ̆ng rŏng kơ noh, Chih akŏm Luơ̆t hơp tak xăh (hơmet tơplih) gô đei iŏk nơ̆r tơgop lơ̆m Hop akŏm bơngai tang măt ăn Kuôk hô̆i juăt jang. Kiơ̆ tơchơ̆t jang, Kuôk hô̆i hơlen vă drơ̆ng nơ̆r hơlen tơ̆ 'măng hop akŏm mă 5 ăh khei 5 xơnăm âu. Pơtôch tơdrong bơ̆ jang, Kơdră Kuôk hô̆i Vương Đình Huệ pơkăl Anih juăt jang găh Mŭk drăm drơ̆ng nơ̆r atŭm hăm Anih tơm Pơkăp păng Axong jang, rim anih jang, jơnŭm jang kơpal vă drơ̆ng nơ̆r minh ƀar tơdrong tơlĕch jang kơ Anih Juăt jang Kuôk hô̆i, Kuôk hô̆i; pơkăl Phŏ thủ tươ̆ng teh đak bơ̆n Trần Lưu Quang pơgơ̆r iŏk nơ̆r tơgop đơ̆ng Khul Kơpal teh đak vă dăh hrôih drơ̆ng nơ̆r dôm tơdrong jang tih đei tơbang lơ̆m tơdrong bơ̆ jang.