Kơdră Kuôk hô̆i Trần Thanh Mẫn lui ngeh 'măng năm tơmang jing gru kơnăl kăp gĭt, pơih minh jăl 'nao ăn tơdrong jang tơbôl Việt Nam - Thái Lan. Kơdră Kuôk hô̆i akhan, 2 pah gơh iŏk yua tơdrong hiôk vă tơgŭm dih băl lơ̆m tơdrong jang mŭk drăm kơmăi kơsô̆, unh hơyuh 'lơ̆ng, pơm tơlĕch tơmam drăm păng choh jang gơh hơgei, iŏk yua dôm tơchơ̆t tĕch pơdro hiôk hian nhen Tơchơ̆t Jang hadoi Mŭk drăm Tôm tơdrong lơ̆m Tơring (RCEP) vă đei jơnei tơchơ̆t tĕch răt tơmam drăm 25 ti đôlar ah sơnăm 2030.

Thủ tướng Thái Lan Paetongtarn Shinawatra ăn tơbăt, tơdrong tơm năm tơmang Việt Nam mă ou 'noh vă pơma đam hăm đe kơdră Việt Nam gah dôm trong hơtŏk jang hadoi kơ 2 teh đak lơ̆m khei năr truh, mă kăl noh gah mŭk drăm, asong jang păng tĕch pơdro vă hơtŏk jang tơbôl kơ 2 teh đak tŏk minh hơyak 'nao.