Tang măt ăn Kơdră Đảng, Khul Kơpal teh đak, Kơdră kuôk hô̆i Vương Đình Huệ pôk bơnê, thơ thâu hơ-iă truh thâi pơgang păng bơngai jang tơ̆ anih jang vei lăng jơhngơ̆m jăn, vei lăng pơgang hơlen hơmet pơrang jĭ kơ jâ̆p teh đak pơma atŭm păng đe kang ƀô̆, đe ƀak sih păng bơngai tơ̆ Hnam pơgang 108 pơma adrô̆ kơyuơ kơ dôm tơdrong plang, kơ-'nôh đĭ jơhngơ̆m păng dôm tơdrong đei jơnei tih tên lơ̆m khei năr âu ki. Kơdră Kuôk hô̆i  Vương Đình Huệ lui ngeh akhan, dôm tơdrong tơnap tap kơ anih jang vei lăng jơhngơ̆m jăn, vei lăng pơgang hơlen hơmet pơrang jĭ noh kơplăh âu đĕch păng tơbăt 68 xơnăm gô jing 'măng vă  anih jang vei lăng jơhngơ̆m jăn, vei lăng pơgang hơlen hơmet pơrang jĭ atŭm jơhngơ̆m, minh bơnôh tenh kuăng găn hloh rim tơdrong tơnap tap; atŭm hăm noh 'meh vă khul jang hăm hloh 500.000 kang ƀô̆, thâi pơgang Việt Nam pơma atŭm lơ̆m rim tơring teh kơ Teh đak pơma atŭm, đe kang ƀô̆, đe ƀak sih kơ Hnam pơgang 108, đe thâi pơgang, bơngai pơtho, đe linh dăp đon dăp bơnôh, hơpơi 'moih plang tơdrong rơgei po, keh đang tơnăp xơnong jang kăp gĭt lơ̆m tơdrong pơtho pơhrăm, dŏng kon bơngai.