Kơdră Kuôk hô̆i Vương Đình Huệ lăng ‘lơ̆ng pơtôch tơdrong jang tĕch mơdro đơ̆ng grŭp jang hơdai dôm Kŏng ti Samsung tơ̆ Việt Nam. ‘Meh vă Samsung hơnơ̆ng tơmơ̆t jên jang đunh đai, hơtŏk tơiung tơ̆ Việt Nam, Kơdră Kuôk hô̆i pơma hơdăh, Kuôk hô̆i Việt Nam, Khŭl kơdră teh đak Việt Nam ling lang bơngơ̆t truh hơmet ming ‘lơ̆ng hơnih tơmơ̆t jên jang tĕch mơdro, hơtŏk loi dơ̆ng tơdrong kĕ pơjei, pơm rim tơdrong hiôk hloh ăn kơ dôm anih tơmơ̆t jên jang sa đunh đai păng hiôk tơ̆ Việt Nam.

Ƀok Park Hark Kyu pơma hơdăh, Samsung kĕ tơmơ̆t jên jang đunh đai păng hơnơ̆ng jang đei jơnei lơ tơ̆ Việt Nam, ‘nâu jĭ tơdrong tơgŭm, pơm tơdrong hiôk đơ̆ng kuôk hô̆i, Khŭl kơdră teh đak Việt Nam hlôi pơjing hơnih tơmơ̆t jên jang tôch kơ ‘lơ̆ng ăn dôm anih mơdro sa. Tơ̆ hơnăp kơnh, anih mơdro sa gô hơdrin đĭ jơhngơ̆m ‘noh jĭ anih mơdro sa tơmơ̆t jên jang tih hloh păng đunh đai tơ̆ Việt Nam.