Pơma ăh jơ tơjrâ̆m, Kơdră Kuôk hô̆i Vương Đình Huệ xơkơ̆t, Việt Nam lăng tơgĭt, hmach bơnê, atŭm hăm noh 'meh vă hơtŏk jang tơbôl hăm Jơnŭm châu Âu (EU), Jơnŭm jang tĕch pơdro EU-ASEAN pơtoi chĕp vei xơnong axong jang kăp gĭt, pơm gơng tơroh lui ngeh, tơgŭm kăp gĭt ăn anih jang mŭk drăm păng rim anih axong jang EU tơ̆ ASEAN pơma atŭm păng tơring tĕch răt Việt Nam pơma adrô̆. Kơdră Kuôk hô̆i ră hơdăh, Kuôk hô̆i Việt Nam, lơ̆m rim pơkăp jang kơ po, adoi kơyuơ tơchơ̆t hơtŏk tơ-iung tenh păng kơjăp xơđơ̆ng, hơtŏk tơdrong jang hadoi roi năr roi kơchăng, đei jơnei đơ̆ng Việt Nam lơ̆m tơring păng lơ̆m kơpal teh. 'Nâu jing tơchơ̆t drơ̆ng minh lơ̆m 76 xơnăm Kuôk hô̆i adoi nhen Kuôk hô̆i jăl 15. Kuôk hô̆i iŏk anih jang mŭk drăm, kon pơlei jing dơnơm lơ̆m rim tơdrong pơkăp jang.