‘Năr brei, 18/11, Kơdră Quốc hội Trần Thanh Mẫn hlôi kĭ Tơchơ̆t kơsô̆ 1297 đơ̆ng Anih chĕp kơ̆l pơgơ̆r Quốc hội pơjing Khŭl Pơgơ̆r jang găh pơtôch tơdrong bơ̆jang kiơ̆ Tơdrong tơchơ̆t kơsô̆ 18 ‘năr 25/10/2017 đơ̆ng Khŭl chĕp kơ̆l pơgơ̆r Trung ương Đảng jăl XII- 1,2 tơdrong găh hơnơ̆ng tơplih ‘nao, proh hơmet khŭl jang kơ anih jang chĭnh trĭ tŏ sĕt bơngai, bơ̆jang đei yua, jơnei tơ̆ dôm anih jang kơ Quốc hội, anih jang găh Anih chĕp kơ̆l pơgơ̆r Quốc hội, Hơnih pơvih ăn Quốc hội.

Kơdră Quốc hội Trần Thanh Mẫn pơm Kơdră Khŭl Pơgơ̆r jang pơtôch bơ̆jang kiơ̆ Tơdrong tơchơ̆t kơsô̆ 18 tơ̆ dôm anih jang Quốc hội. Anih pơgơ̆r jang klăih song hơnăp jang ăn bơngai jang lơ̆m Khŭl pơgơ̆r jang păng pơjing Khŭl tơlĕch ăn tơdrong tơchơ̆t bơ̆jang, tơlĕch jang bơ̆jang kiơ̆. Lơ̆m noh pơjao kơ Khŭl bơ̆jang bơngai tang măt ‘noh jĭ Anih chĕp kơ̆l kơ Khŭl pơgơ̆r jang, dôm bơngai jang lơ̆m Khŭl pơgơ̆r jang đei Grŭp chih hơmet ming yua đơ̆ng Khŭl pơgơ̆r jang tơchơ̆t pơjing. Khŭl pơgơ̆r jang đei iŏk yua ‘long đŏng yŏu đơ̆ng Anih chĕp kơ̆l pơgơ̆r Quốc hội vă pơyua ăn tơdrong jang; Khŭl pơgơ̆r jang bơ̆jang kiơ̆ trong jang iŏk jang hơdai.