Sơng iŏk nơ̆r krao đơ̆ng Tổng Bí thư Khul kơdră chĕp kơ̆l Trung ương Đảng Kon pplei kăch mang Lào, Kơdră teh đak Cộng hòa Dân chủ Nhân dân Lào Thongloun Sisoulith, kơsơ̆ brei (24/4), Kơdră teh đak bơ̆n ƀok Lương Cường chĕp kơ̆l Khul tang măt ăn teh đak Việt Nam lĕch đơ̆ng Hà Nội năm ngôi tơ̆ teh đak Lào đơ̆ng ‘năr 24 truh 25/4/2025.

Hăm đon pơhnŏng hơtŏk tơdrong jang kiơ̆ dôm tơdrong drơ̆ng nơ̆r tih, ‘măng năm ngôi mă âu đơ̆ng Kơdră teh đak Lương Cường tơ̆ Lào tôch gĭt kăl, hơnơ̆ng tơƀôh hơdăh trong jang ưh đei tơplih đơ̆ng Đảng, Teh đak Việt Nam năng kăl păng pơ ‘nhŏ hơdrol ăn tơdrong pơvei gĭt kăl, jang hơdoi tôm tơdrong Việt Nam-Lào; hơtŏk đon lui chinh trĭ, pơvei băl kơjăp ‘lơ̆ng đơ̆ng kơdră chĕp kơ̆l 2 teh đak; hơnơ̆ng năng teh đak Lào păng tơdrong pơvei gĭt kăl Việt Nam - Lào jĭ 1 lơ̆m dôm tơdrong pơ ‘nhŏ jang hơdrol hlŏh mưh tơlĕch trong jang tơbôl đơ̆ng kơdih, tơƀôh hơdăh đon tơgŭm tôch ai đơ̆ng Việt Nam hăm tơdrong jang tơplih ‘nao tơ̆ teh đak Lào.