Đơ̆ng rŏng kơ ‘nŏh, 2 ‘nu kơdră chĕp kơ̆l pơgơ̆r pơma đam. 2 păh pơma hơdăh tơdrong pơvei gĭt kăl Việt – Lào jĭ tơmam tôch kăp gĭt yoa rim jơhnơr mĕ ƀă yă ƀok hŭt jơhngâm pơjing, kăl đei vei kơjăp păng tưk tơiung mă ‘lơ̆ng. Kơdră teh đak Lương Cường tơchĕng ‘lơ̆ng dôm tơdrong jang tŏk đơ̆ng teh đak Lào, akhan Việt Nam vă hơnơ̆ng tơgŭm ăn teh đak Lào lơ̆m tơdrong mât jang hơdoi hăm apŭng plenh teh păng jang tŏk mŭk drăm kơdih.

Ƀar ‘nu kơdră chĕp kơ̆l drơ̆ng nơ̆r athei chă trong jang ‘nao, pran ‘lơ̆ng hlŏh dơ̆ng vă pơm hơtŏk tơdrong đei yoa đơ̆ng jang hơdoi mŭk drăm, jŏh ayŏ kơ dŏ xoang, khoa hŏk ki thuơ̆t kiơ̆ trong pơm hơtŏk tôch ai tơdrong pran ‘lơ̆ng đơ̆ng rim teh đak, lơ̆m noh đei tơguăt kơjăp tơdrong jang mŭk drăm, man anih jang, pơm trong, thu mong, tơlĕch jên jang kơ teh đak, chă tơmang lăng tơ̆ 2 teh đak; tơlĕch jang ‘lơ̆ng dôm trong jang vă pơm hơtŏk jên tĕch mơdro đơ̆ng 2 păh tŏk truh 05 ti USD lơ̆m dôm sơnăm truh.