Tơ̆ jơ tơƀơ̆p, Kơdră jang tang măt ăn Việt Nam tơ̆ Chile tơroi hăm Kơdră teh đak bơ̆n Lương Cường gah tơdrong pơm jang kơ Anih jang tang măt păng kon pơlei Việt Nam tŏk bŏk oei hơrih, pơm jang tơ̆ Chile. Kơdră jang tang măt sơkơ̆t hơdah tơdrong tơm kiơ̆ tơbôl juăt jue, đei hơtŏk đơ̆ng lơ jơhnơr kơdră pơgơ̆r păng kon pơlei 2 teh đak, sơnong jang tơm, tơnăp kơ Anih jang tang măt Việt Nam tơ̆ Chile jing tơdrong pơtoi tơbôl chĭnh trĭ 'lơ̆ng hơ-iă kơ 2 teh đak.

Kang ƀô̆, bơngai jang tơ̆ Anih jang tang măt păng kon pơlei Việt tơ̆ Chile hơnơ̆ng lui ngeh hăm trong tơchơ̆t jang đơ̆ng Đảng păng Jơnŭm pơgơ̆r teh đak, adoi nhen anih dơ̆ng roi năr roi hơtŏk kơ teh đak păng đon lui hăm jơhnơr hơrih hơtŏk tơ-iung kơ kon pơlei bơ̆n.

Lơ̆m 'măng năm tơmang teh đak Chile, Kơdră teh đak bơ̆n Lương Cường sơng pơma dơnuh hăm Kơdră Đảng cộng sản Chile Lautaro Carmona Soto; sơng pơma dơnuh hăm khul jang tơ̆ Anih jang hơlen Joh ayŏ Chile-Việt Nam.