Kơdră teh đak bơ̆n Lương Cường pôk bơnê hăm 500 'nu kon mon Ƀok Hô chu ngua lơ̆m jơ̆p teh đak
Thứ sáu, 08:17, 16/05/2025
Lan chih tơblơ̆
Lan chih tơblơ̆
VOV4.Bahnar – Pơgê năr 15/5, tơ̆ Hnam Joh hơri Hồ Gươm, Hà Nội hlôi pơgơ̆r lêh Pôk bơnê hăm 500 'nu kon mon Ƀok Hô chu ngua jơ̆p teh đak 'măng mă 10 – sơnăm 2025. Năm akŏm lêh pôk bơnê đei Kơdră teh đak bơ̆n Lương Cường atŭm hăm lơ kơdră Đảng, Teh đak.
'Nou jĭ tơdrong akŏm kăp gĭt hloh lơ̆m 'măng Hop akŏm Kon mon Ƀok Hô chu ngua kơ jơ̆p teh đak 'măng mă 10 vă pôk bơnê kơ đe kon mon Ƀok Hô chu ngua gơh hơgei jăl sơnăm 2020 - 2025 lơ̆m tơdrong pơm kiơ̆ pơkăp “Đe hơ-ioh Việt Nam pơlong pơm kiơ̆ 5 tơdrong Ƀok Hô pơtho”.
Pơma ah Hop akŏm, Kơdră teh đak bơ̆n Lương Cường pôk bơnê kơ dôm tơdrong hơgei đơ̆ng 500 Kon mon Ƀok Hô chu ngua gơh hơgei, atŭm hăm tôm đô̆i viên, đe hơ-ioh jơ̆p teh đak hlôi jang đei lơ̆m khei năr ou ki. Kơdră teh đak ăn tơbăt, kơplah oei hơrih, Ƀok Hô hơnơ̆ng akŏm đon 'mêm băt kăp gĭt ăn đe hơ-ioh Việt Nam. Kơdră teh đak lui ngeh, đe hơ-ioh jơ̆p teh đak gô pơtoi hơdrin hloh dơ̆ng; tơguăt tơguăl vei lăng păng hơtŏk dôm kơjă juăt jue 'lơ̆ng rŏ kơ kon pơlei Việt Nam nuih mơng.
Viết bình luận