Tang măt ăn kơdră chĕp kơ̆l Đảng, Tĕh đak, Kơdră tĕh đak kơplăh dang ei yă Võ Thị Ánh Xuân pơtruh nơ̆r ‘lơ̆ng hơ iă hlŏh, nơ̆r ‘mêm bơnê tôch pơnĕh hăm khul ƀok thây pơgang, kăn ƀô̆, bơngai jang tơ̆ anih jang pơgang tĕh đak, atŭm hăm ‘nŏh pơma hơdăh, Đảng, Tĕh đak ling lang hue lăng, pơngơ̆t truh, chĕp kơ̆l pơgơ̆r, tơmât jên ăn anih jang pơgang.

Vă jang đei đon pơhnŏng jang tŏk jing tĕh đak hơnŭk hơ noa, hiôk chơt, mă loi jĭ jang đei đon pơhnŏng khŏm pơ jing tĕh đak pơdrŏng lơ̆m sơnăm 2045, Kơdră tĕh đak kơplăh dang ei yă Võ Thị Ánh Xuân akhan, khul bơngai jang gơ̆h hơgei ‘nŏh jĭ tơdrong tôch gĭt kăl, lơ̆m nŏh đei khul bơngai jang pơgang.

Yoa thoi nŏh, anih jang pơgang athei hơnơ̆ng pơtho pơhrăm, tưk tơiung khul bơngai jang, mă loi ƀât mă apŭng plenh tĕh păng tĕh đak bơ̆n oei tơjră hăm lơ tơdrong jĭ, lơ̆m nŏh đei lơ tơdrong jĭ ‘nao đơ̆ng sơ̆ tam mă biơh đei, pơjoă truh tơdrong arih, jơhngâm pran kơ kon bơngai; pơm lăp hăm tơdrong ‘mĕh vă vei lăng jơhngâm pran ăn kon pơlei lơ̆m chăl hle.