Pơma tơ̆ jơ pơm lêh tơbăt, tang măt ăn kơdră chĕp kơ̆l Đảng, tĕh đak, Kơdră tĕh đak kơplăh dang ei yă Võ Thị Ánh Xuân pôk pơ-ư păng hơ-iă hăm dôm tơdrong jơnei tôch ‘lơ̆ng hơgei mă rim jơhnơr kăn ƀô̆, linh găh khul linh vei lăng bơngai jang tih kơ Công an kon pơlei hlôi adrin jang đei lơ̆m 70 sơnăm âu ki. Kơdră tĕh đak kơplăh dang ei pơma hơdăh, tơ̆ hơnăp kơnh, tơdrong lơ̆m apŭng plenh tĕh hơnơ̆ng đei lơ tơdrong krê hơmơt, ưh kơ tom băt.

Kơdră tĕh đak kơ plăh dang ei athei khul linh vei lăng bơngai jang tih kơ công an kon pơlei pơm kiơ̆ ‘lơ̆ng tơdrong chĕp kơ̆l pơgơ̆r rim tơdrong đơ̆ng Đảng, mă dơ̆ng hơdrol ‘nŏh jĭ ƀok Tổng Bí thư Nguyễn Phú Trọng; tơdrong vei lăng, drơ̆ng pôm nơ̆r đơ̆ng tĕh đak; tơdrong chĕp kơ̆l pơgơ̆r đơ̆ng Anih jang Đảng Công an Trung ương, Anih tơm vei lăng Công an păng tơdrong dăr lăng đơ̆ng kon pơlei hăm khul linh vei lăng bơngai jang tih.