‘Măng năm ngôi đei pơgơ̆r ƀât mă tơdrong pơvei ‘lơ̆ng hơiă, mât 1 ƀơ̆r đon gĭt kăl păng jang hơdoi tôm tơdrong đơ̆ng Việt Nam păng Lào oei tŏk tôch ‘lơ̆ng; 2 păh pơma hơdăh đon pơhnŏng hơtŏk tơdrong pơvei gĭt kăl, ‘lơ̆ng hơiă, mât 1 ƀơ̆r đon păng jang hơdoi tôm tơdrong Việt Nam - Lào lơ̆m chăl ‘nao, lăp hăm rim tơdrong đei tơ̆ yăn âu kơ rim teh đak.

Lơ̆m ‘măng năm ngôi, Kơdră  teh đak Lương Cường đei jơ pơma đam gĭt kăl hăm Tổng Bí thư, Kơdră teh đak Lào Thongloun Sisoulith; pơma nuh hăm Kơdră Quốc hội Saysomphone Phomvihane păng Thủ tướng Sonexay Siphandone. Tơ̆ dôm ‘măng pơma đam, tơƀâp băl, 2 păh pơma nuh păng drơ̆ng nơ̆r ăn dôm trong jang tih vă atŏk tơiung tơdrong pơvei kơ 2 teh đak tơ̆ hơnăp kơnh, lơ̆m noh drơ̆ng nơ̆r hơmet kơjăp tơdrong pơvei chinh trĭ, lui băl, hơnơ̆ng vei kơjăp dôm ‘măng năm ngôi tơ̆ băl, pơgơ̆r tơƀâp pơma nuh ăn khul jang tih păng rim khul grŭp, năng kăl truh tơdrong pơvei jang hơdoi đơ̆ng kon pơlei 2 teh đak kiơ̆ lơ trong ‘lơ̆ng hơiă, đei yoa.