Tơ̆ jơ sơng, Kơdră tĕh đak Võ Văn Thưởng hơiă hăm Campuchia pơgơ̆r đang ‘lơ̆ng tơdrong pôk rơih Jơnŭm pơgơ̆r xăh, phường jăl V; iŏk jang đang ‘lơ̆ng hơnăp jang pơm Kơdră ASEAN păng AIPA lơ̆m sơnăm 2022, tơgŭm ăn anih dơ̆ng păng bưng ai lơ̆m apŭng plenh tĕh kơ Campuchia roi tŏk.

Kơdră tĕh đak ăn tơbăt, 2 tĕh đak pơgơ̆r ‘lơ̆ng lơ ‘măng năm hơpong tơ̆ băl đơ̆ng 2 Đảng, 2 tĕh đak; jên tĕch mơdro 2 pang đơ̆ng 2 tĕh đak tŏk ‘lơ̆ng; dôm tơdrong jang hơdoi mŭk drăm, jang tơbôl kon pơlei đei pơgơ̆r tôch hơ iă, lơ̆m nŏh đei tơdrong jang tơbôl đơ̆ng kon pơlei 2 tĕh đak tơ̆ tơring sơlam. 

Kơdră tĕh đak Võ Văn Thưởng drơ̆ng nơ̆r hăm Phó Thủ tướng Samdech Krolahom Sar Kheng găh tơdrong hơtŏk tơdrong jang hơdoi tơ̆ tơring sơlam kiơ̆ đơ̆ng dôm ‘măng jang sơlam, jăh hơtâp đang jrăng sơlam tơ̆ kông, kiơ̆ đơ̆ng nŏh, pơjing trong sơlam rơngei, tơbôl, jang hơdoi păng tŏk pơdrŏng.