Pơma ăh jơ lêh, Kơdră tơdăng kơ teh đak bơ̆n yă Võ Thị Ánh Xuân akhan, tơplih kơsô̆ jing xơnong jang tơnap, pơkăl đei tơdrong pơgơ̆r jang akŏm đơ̆ng Trung ương Đoan; tơdrong xơkơ̆t hơbĕch hơbal, gơh rơgei đơ̆ng dôm jăl jang đoan; tơdrong vang jang kăp gĭt, yuk trong hơlâu kơ đe mơlôh jâ̆p teh đak vă pơjing tơdrong jang lang xă kơjăp, tơgop hơ-'nhăk Việt Nam jing teh đak sô̆, xơđơ̆ng păng jơnap, yuk hơlâu jang pơlong găh trong jang kơmăi kơmŏk 'nao ăh xơnăm 2030. Đơ̆ng rŏng kơ lêh pơtơm hlôi đei lơ tơdrong jang nhen: Năm apong, axong tơmam ăn đe hŏk tro, hơdruh tơdăm jang kŏng nhơ̆n tơnap tap, đe Mĕ Việt Nam nuih mơng; pơjao dôm tơdrong jang, xơnong jang hơdruh tơdăm kăp gĭt. Hơkŏp kơjă tơmam axong, tơdrong jang đei axong tơ̆ dêh char Bình Thuận đơ̆ng Trung ương lơ̆m Lêh pơtơm Khei đe hơdruh tơdăm iung pơm jang noh jê̆ 15 tih hlj.