Đơ̆ng rŏng kơ Anih tơm jang Nội vụ đei hla ar pơtho ăn 2 dêh char Kon Tum, Quảng Nam chĕng hơmet tơring teh hơlam kơ xăh Trà Vinh găh apŭng Nam Trà My, dêh char Quảng Nam păng xăh Đắk Nên găh apŭng Kon Plông, dêh char Kon Tum, Anih vei lăng kon pơlei dêh char Kon Tum apinh Quốc hội sek tơlang kĕh tơdrong oei tơhlăk găh tơring oei xa ăn kon pơlei.

Kiơ̆ kơ ‘nŏh, Anih vei lăng kon pơlei dêh char Kon Tum athei Anih chĕp kơ̆l pơgơ̆r Quốc hội set hơlen, drơ̆ng nơ̆r sek tơlang kĕh tơdrong kon pơlei đơ̆ng xăh Trà Vinh, apŭng Nam Trà My, dêh char Quảng Nam arih xa tơ̆ xăh Đăk Nên, apŭng Kon Plông, dêh char Kon Tum. Vă sek tơlang tơdrong tơhlăk, Anih vei lăng kon pơlei dêh char Kon Tum athei 2 trong jang, đei: Iŏk hla ar hô̆ khâu 187 unh hnam (đei 1.034 ‘nu bơngai) kơ kon pơlei tơ̆ thôn 3, xăh Trà Vinh, apŭng Nam Trà My, dêh char Quảng Nam găh tơdrong vei lăng kơ plt Đà Nẵng (đơ̆ng rŏng kơ tơmât hơdai plt Đà Nẵng- Quảng Nam) mă ưh ‘nŏh ăn kon pơlei mât tơ̆ dêh char Quảng Ngãi (đơ̆ng rŏng kơ tơmât hơdai dêh char Quảng Ngãi-Kon Tum).