Pơgê 21/4 Anih jang Đảng dêh char Kon Tum pơgơ̆r Hop akŏm Khŭl chĕp kơ̆l pơgơ̆r Đảng bộ dêh char jăl XVI ăn tơgop nơ̆r hăm Tơdrong jang, trong jang proh hơmet anih bơ̆jang tơ̆ dêh char, tơ̆ xăh. Hăm trong jang proh hơmet, hơmet tôm khŭl jang đơ̆ng rŏng tơmơ̆t hơdai dêh char Kon Tum păng Quảng Ngãi, tơchĕng hơdrol tơmơ̆t đêl so dôm Khŭl kơ Jơnŭm vei lăng kon pơlei, Anih pơvih ăn Khŭl tang măt Quốc hội păng Jơnŭm vei lăng kon pơlei 2 dêh char.

Găh trong jang proh hơmet anih bơ̆jang tơ̆ xăh lơ̆m dêh char Kon Tum. Tơchĕng hơdrol đơ̆ng rŏng kơ proh hơmet đơ̆ng 102 xăh, phường, thị trấn dang ei đei pă 40 xăh, phường (đei 37 xăh, 3 phường) jur 62 xăh, phường, thị trấn, vei sơđơ̆ng kơsô̆ hơgăt. Hơdrô̆ pơlei tơm Kon Tum đơ̆ng 21 xăh, phường dang ei đei đơ̆ng rŏng proh hơmet oei 6 xăh, phường (3 xăh, 3 phường).