Năr roi tơƀôh trong hok tơdrog jang đei pơgơ̆r kơtă tơ̆ yăn âu păng pơgơ̆r trư̆k tuyê̆n hai, tơgŭm ăn hŏk tro rơih đei trong hŏk tơdỏng jang lăp hăm tơdrong hŏk pơhrăm đơ̆ng kơdih, lăp hăm tơdrong arih xa kơ unh hnam kŭm nhen tơdrong ‘mĕh vă chă bơngai jang lơ̆m tơpôl. ‘Ngoăih kơ ‘nŏh, hŏk tro oei pơtho tơƀôh rơih tơdrong jang vă hŏk păng pơm hơmet hla ar apinh hŏk.

Tơ̆ jơ roi tơƀôh, lơ anih pơtho tơdrong jang păng anih tĕch mơdro lơ̆m păng ‘ngoăih kơ dêh char roi tơbăt rim tơdrong ƀơm truh pơtho tơdrong jang, kŭm nhen tơdrong ‘lơ̆ng vă chă tơdrong jang đơ̆ng rŏng kơ hŏk. Tơdrong ‘nâu vang tơgop gĭt kăl vă tơgŭm ăn hŏk tro rơih trŏ trong hŏk pơhrăm, tơjur ƀiơ̆ tơdrong pơm kơhret jơhngâm mưh thi đăi hŏk păng pơih xă tơdrong ‘lơ̆ng vă chă đei tơdrong jang sơđơ̆ng, đunh đai.