Pơma ah jơ lêh pơtơm jang, ƀok Lê Ngọc Tuấn, Kơdră Anih jang vei lăng kon pơlei dêh char Kon Tum pơkăl Kơdră kơ rim anih jang, rim tơring athei jang tơnăp, akŏm pơgơ̆r tơdrong pơlong gơh đei jơnei tơnăp hloh, ưh đei chă pơm pơhlai ôh. Tơdrong tơlĕch pơlong athei đei pơtơm tơ̆ lơ tơring, trŏ hăm tơdrong tơchơ̆t tơlĕch,trŏ hăm sơnong jang chĭnh trĭ kơ rim jăl jang, rim anih jang, rim tơring.

Khul akŏm vang vei lăng sơđơ̆ng tơpôl tơ̆ tơring athei băt hơdah tơdrong pơgơ̆r kơjăp, tôm tơdrong đơ̆ng jăl pơgơ̆r Đảng, tơdrong vei lăng pơgơ̆r jang đơ̆ng jơnŭm pơgơ̆r tơring păng pơtho gah tơdrong pơm jang ăn khul kŏng an.