Sơnăm hŏk 2024 - 2025 dêh char Kon Tum đei 36 ‘nu hŏk tro iŏk đei tơmam hơpăh lơ̆m ‘măng pơlong hŏk tro hơgei lơ̆m teh đak; 2 ‘nu hŏk tro iŏk đei tơmam hơpăh lơ̆m ‘Măng pơlong khoa hŏk kih thuơ̆t lơ̆m teh đak ‘măn ăn hŏk tro jăl ƀar; măt bơngai hŏk tro kon kông vang pơlong ‘Măng pơlong rơih hŏk tro hơgei lơ̆m dêh char roi năr roi lơ bơngai păng gơh hơgei … Yă Phạm Thị Trung, Kơdră chĕp pơgơ̆r Hơnih vei lăng Hnam trương pơtho pơhrăm dêh char Kon Tum, tơroi tơbăt, sơnăm hŏk 2024 - 2025 hăm trong tơlĕch ăn: “Jang ‘lơ̆ng, tơnăp-Tơplih ‘nao, tơchăr hơnih jang pơtho pơhrăm hlôi iŏk đei păng jang keh đang hloh trong tơlĕch ăn mă Hop akŏm tih kơ Đảng dêh char jăl jang 2020 - 2025 tơlĕch ăn. Mă hơdăh, pơtho pơhrăm hlôi đei jơnei hơ iă, nhen hơ ioh đei hơvơn năm hŏk, hơ ioh đei hŏk prăt năr păng măt bơngai hŏk tro kon kông đei hơvơn năm hŏk jei jơnei păng jơnei lơ hloh trong tơlĕch ăn.