Đơ̆ng rŏng 7 sơnăm 1 poăt jô̆ đơ̆ng iung ming man blŭng a, Trong glung tih Hơlĕch pơmơ̆t Buôn Ma Thuột, dêh char Đăk Lăk, ‘nao jing jơ ‘năr ming man hăt hot hloh. Tơdrong trăp trĭn mă kơdră ,pơlei tơm pơjao ăn tơngla iŏk ming man ‘nŏh lơ̆m mĭnh poăt khei dơ̆ng, trong glung gĭt kăl kơjă hloh 1.200 ti hlak jên au kăl tơmơ̆t iŏk yua, tơgŭm ăn Pơm lêh chehphe Buôn Ma Thuột ‘măng mă 8 sơnăm 2023.Tơdrong tơhlăk tơhlĭn găh teh vă ming man trong đơ̆ng trong Đinh Tiên Hoàng-Lê Duẩn năm tơ̆ gơng thoong đak Ea Tam hlôi đei tơchă đei đơ̆ng vă đĭ sơnăm sơ̆.

Dang ei rim gre jei gơ̆h chă yak trong gơng au. Trong glung tih Hơlĕch pơmơ̆t hơtaih 6.9km ư̆h khan lăp pơm jăl trong nơnăm đơ̆ng cham gre păr Buôn ma Thuột mơ̆t lơ̆m pơlei tơm, mă lei oei pơ̆ih mĭnh tơring atŏk tơ iung ‘nao tơ̆ găh pơbăh. Đơ̆ng jăl trong glung au, gơ̆h chă tơmang lăng ƀôh jơ̆p lơ̆m pơlei tơm Buôn Ma Thuột, atŭm hăm hơnih ‘lơ̆ng rŏ dơnau Ea Tam (tŏk bŏk ming man) atŭm hăm hơnih Hnam pơgang lơ̆m trong pơprŏ atŏk tơ iung pơlei tơm truh sơnăm 2023.