Lơ̆m kơthơ đei chih: Lơ̆m 30 xơnăm kơ âu, Đảng Cộng sản Liên bang Nga hơnơ̆ng xơkơ̆t iŏk chuh nghĩa Mác - Lê-nin pơm tơm kơ đon kơchĕng, tơguăt hăm tơdrong pơyua ăn chăl bơngai jang kŏng nhơ̆n, bơngai jang mir, bơngai hŏk kơjung păng kon pơlei pơm jang, đei tơgop tih tên ăn tơdrong hơtŏk kơ Liên bang Nga rơgei, vei xơnong kăp gĭt lơ̆m tơdrong jang cộng sản păng bơngai jang lơ̆m kơpal teh. Đảng Cộng sản Việt Nam hơnơ̆ng lăng tơgĭt păng atŭm hăm đe đŏng chĭ kơhret hloh dơ̆ng tơdrong tơbôl juăt jue hăm Đảng Cộng sản Liên bang Nga, hơtŏk tơbôl jang Hadoi tôm tơdrong Việt Nam - Liên bang Nga, kơyuơ tơdrong pơyua kơ kon pơlei 2 teh đak, kơyuơ tơdrong rơngei hiôk hian, xơđơ̆ng lơ̆m tơring păng lơ̆m kơpal teh. Thơ thâu hăm Đảng Cộng sản Liên bang Nga đei jơnei lơ tơdrong 'nao tih tên hloh dơ̆ng lơ̆m tơdrong pơjing chuh nghĩa xăh hô̆i, kơyuơ tơdrong pơdrŏng jơnap kơ kon pơlei Nga.