Kuô̆k hô̆i pơdrơ̆ng kiơ̆ tơdrong tơchơ̆t găh đĭ hrôih ƀiơ̆ jăl jang Kuô̆k hô̆i jăl 15
Thứ năm, 14:49, 22/05/2025
VOV/Amazưt tơblơ̆
VOV/Amazưt tơblơ̆
VOV4.Bahnar - Hơnơ̆ng pơgơ̆r ‘Măng hop akŏm mă 9, Kuô̆k hô̆i jăl 15, pơgê năr 21/5, rim kơdră tang măt hlôi pơdrơ̆ng kiơ̆ Tơdrong tơchơ̆t găh tơdrong đĭ hrôih ƀiơ̆ jăl jang Kuô̆k hô̆i jăl 15 păng Jơnŭm vei lăng kon pơlei jăl jang 2021 – 2026.
Kuô̆k hô̆i jei hlôi sơkơ̆t hơdăh năr pôk rơ̆ih Kơdră tang măt Kuô̆k hô̆i jăl 16 păng Jơnŭm vei lăng kon pơlei jăl jang 2026 – 2031 ‘noh năr Tơpơh, năr 15/3/2026. Đĭ đăng kơdră tang măt vang hop akŏm hlôi drơ̆ng kiơ̆. Tổng Thư ký Kuô̆k hô̆i Lê Quang Tùng tơbăt; ‘Măng hop akŏm mă blŭng kơ Kuô̆k hô̆i jăl 16 gô krao akŏm klui hloh ‘noh 60 năr lăp đơ̆ng rŏng pôk rơih; ‘măng hop akŏm mă blŭng kơ Jơnŭm vei lăng kon pơlei jăl ‘nao gô krao akŏm klui hloh 45 năr. Tơdrong pơm pơtôch hrôih ƀiơ̆ jăl jang 15 jing trong jang kăl hloh vă hơmet khul bơ̆ jang păng tơlĕch tơdrong jang lơ̆m jăl hle.
Viết bình luận