Vang năm akŏm lêh tơbăt đei đe kơdră kơpal kơ Đảng, Teh đak, Khul linh, bơngai jang kăch mang 'lŏ sơnăm, đe yă đei hơnăn mĕ Việt Nam nuih kơtang, đe Yŏng linh kiơ̆ dôm chăl pơgơ̆r. Hơdah hloh lơ̆m 'măng tơbăt noh Tơdrong hơri hơ-'mon joh ayŏ pơdui đunh 30 pơnĭt, đei dôm tơdrong hơri hơsuang kăp gĭt, tơbang dơ̆ng gah tơdrong iung jing, tơjră kơnê̆ đei jơnei đơ̆ng Khul linh adoi nhen sơkơ̆t hơdah sơnong tih tên kơ Khul linh kon pơlei Việt Nam lơ̆m tơdrong tơ-iung pơjing păng vei lăng Teh đak.

Tơrĕk truh tơdrong akŏm kăp gĭt âu, khei năr âu ki lơ̆m jơ̆p teh đak hlôi đei lơ tơdrong jang kăp gĭt. Jơ̆p teh đak hlôi đei hloh 1.830 tơdrong jang sơng kơ kuh tơbăt, đei kơjă pơhlom 260 tih hlj; chă tơgŭm jên ming hơmet chơnang soi ƀlŏk kơ 32 'nu linh Việt Nam tuyên truyên yaih phŏng kuân, hăm kơsô̆ jên 2,56 tih hlj.