Gơmăng hei 18/5, tơ̆ Cham xă Ba Đình (Hà Nội), pơgơ̆r tơdrong hơri hơxoang tôch hơiă đei hơnăn “Ih jĭ Hồ Chí Minh”, hăm tơdrong vang akŏm đơ̆ng lơ kơdră chep kơ̆l Đảng, Teh đak. Tơdrong joh hơri đei 3 chăl: “Nguyễn Sinh Cung - Nguyễn Tất Thành” tơƀôh hơdăh khei ‘năr pơjing đei jơhngâm đon ‘lơ̆ng; “Nguyễn Ái Quốc - Hồ Chí Minh” tơƀôh hơdăh tơdrong năm chă trong dŏng teh đak, pơjing Đảng; mă hơtuch ‘nŏh pôk pơ ư tơdrong jơnei kăch mang păng chăl tơplih ‘nao, mât jang hơdoi.

Dôm tơdrong hơri hơxoang đei pơgơ̆r tôch hơiă, tơmât hơdai tơdrong hơri hơxoang so hăm kơmăy pơdăh 3D chăl hle, hơnhăk ba lơ tơdrong tôch ‘lơ̆ng rŏ. Kiơ̆ đơ̆ng tơdrong hơri hơxoang păng dôm tơdrong tơroi tôch hơiă, tơdrong joh hơri pôk pơ um ai kơdră chĕp kơ̆l tôch rơgei, bơngai tơblăh kơtang nuih mơng, iŏk rơngei ăn hơdrĕch hơdrung, bơngai chih pơchĕh tôch rơgei; atŭm hăm ‘nŏh pơtho tơƀôh đon tơchĕng kăch mang, jơhngâm đon ‘lơ̆ng đơ̆ng Ƀok Hô ăn đĭ đăng kon pơlei, mă loi ‘nŏh ăn jơhnơr mơlôh.