Hơdai hăm hloh 350 hơnih mơdro huch cheh phe pơvih pơvăn ăn kon pơlei păng tơmoi huch đĕch lơ̆m Lêh cheh phe Buôn Ma Thuột ‘măng mă 8 sơnăm 2023, tơ̆ trong Phan Đình Giót, phường Tân Thành, pơlei tơm Buôn Ma Thuột gô pơgơ̆r lơ tơdrong jang vă kơbăt ‘lơ̆ng hơiă găh tơdrong pơm tơlĕch cheh phe đơ̆ng jang pơgar truh bơngai răt yua.

Đơ̆ng ‘năr 10 truh ‘năr 14/3, mưh tơ roi truh tơ̆ trong Phan Đình Giót, phường Tân Thành, pơlei tơm Buôn Ma Thuột kŭm hăm tơdrong đei huch đĕch cheh phe yua đơ̆ng 4 anih jang ‘noh jĭ: Kŏng ti tơmơ̆t jên jang hơdai Grŭp jang Trung Nguyên, Kŏng ti TNHH MTV răt tĕch tơmam hăm teh đak đe 2-9 (Simexco Đắk Lắk), Kŏng ti TNHH King Coffee păng kŏng ti TNHH Truyền thông sự kiện Pro (hơnăn Ama Coffee) bơ̆jang, tơ moi gơh vang akŏm dôm tơdrong jang vă kơbăt chă hơlen lăng găh tơdrong jang cheh phe, huch cheh phe. Lơ̆m noh, kăl kơ lăng truh ‘noh jĭ tơdrong jang “Simexco Coffee tour” vă pôk pơ ư dôm kon pơlei pơtăm cheh phe păng vang tơroi tơdrong pơm tơlĕch cheh phe đơ̆ng jang pơgar truh bơngai răt yua.