Phŏ Kơdră teh đak bơ̆n Võ Thị Ánh Xuân năm pơm lêh pôk hơnăn kăp gĭt âu. Tang măt ăn Khul kơpal Đảng, Teh đak, Phŏ Kơdră teh đak bơ̆n yă Võ Thị Ánh Xuân kăp gĭt pôk bơnê kơ dôm tơdrong jang đei jơnei, tơdrong plang tih tên đơ̆ng dôm hnưr đe drăkăn  Khu 5 lơ̆m tơdrong iung tơjră, adoi nhen lơ̆m tơ-iun gpơjing păng vei lăng Teh đak. Hơnăn Khul grŭp kon pơlei pơm jang Nuih mơng jing tơdrong kăp gĭt pôk bơnê đơ̆ng Đảng, Teh đak păng Kon pơlei bơ̆n, jing tơdrong pơ-ư pơ-ang tih tên hăm dôm hnưr đe drăkăn Khu 5, pơđĭ bơngai tŏk bŏk oei erih păng dôm bơngai hlôi lôch hơchăng. Phŏ Kơdră teh đak bơ̆n Võ Thị Ánh Xuân ră hơdăh, âu duh jing tơdrong pơ-ư pơ-ang, tơdrong hơlêm tih tên hăm đe drăkăn Việt Nam pơma atŭm păng hăm đe kang ƀô̆, bơngai jang dôm jăl kơ đe Drăkăn pơma adrô̆.