‘Nâu jĭ grŭp jang pơgang tơm dơnơm kơ teh đak Nhật Bản, đei lơ tơdrong jang tơgŭm, găh pơtho Đăi hok y khoa, dôm hnam pơgang, dôm khul jang tơgŭm lơ̆m teh đak. Pơma tơ̆ jơ sơng, Phó Thủ tướng Lê Thành Long ăn tơbăt, tơdrong pơvei Việt Nam – Nhật Bản oei mât lơ̆m khei ‘năr tŏk tôch ‘lơ̆ng. Dôm tơdrong jang hơdoi hăm Nhật Bản hơnhăk ba lơ tơdrong ‘lơ̆ng hăm tơdrong vei lăng jơhngâm pran ăn kon pơlei Việt Nam.

Tơgop ăn tơdrong jơnei atŭm âu đei lơ tơdrong adrin đơ̆ng Grŭp jang IHW păng ƀok Takagi Kuninori. Phó Thủ tướng hôn bơnê Grŭp jang IHW tơchĕng hơlen, tơlĕch jang dôm tơdrong tơmât jên jang păng man hnam pơgang thoi teh đak Nhật Bản tơ̆ Việt Nam; hơpơi ‘mĕh dôm tơdrong jang đơ̆ng IHW gô iŏk đei jơnei ‘lơ̆ng, tơgŭm ăn kon pơlei Việt Nam đei lơ tơdrong ‘lơ̆ng vă vei lăng jơhngâm pran hăm kơmăy kơmŏk ‘nao, tơdrong pơvih pơvăn ‘nao, ‘lơ̆ng hơiă.