'Măng năm tơmang jing kăp gĭt hloh, tơgop hơtŏk jang kiơ̆ pơkăp jang tơbôl hiôk hian, kơyuơ tơdrong rơngei tơbôl păng hơtŏk tơ-iung, hơtŏk jang tơbôl hăm lơ teh đak nai; jing boăl juăt, jing teh đak jang hadoi lui ngeh, đei xơnong jang dơnơm lơ̆m tơpôl apŭng plenh teh, kơchăng vang jang hadoi lơ̆m kơpal teh, pơjing jơhngơ̆m pran 'nao ăn tơdrong hơtŏk tơ-iung tơbôl Việt Nam-Tây Ban Nha. Lơ̆m 'măng năm tơmang âu, 2 păh gô xơkơ̆t dơ̆ng tơdrong tơbôl jang hadoi kơ 2 teh đak lơ̆m khei năr âu ki, drơ̆ng nơ̆r dôm tơdrong jang hơdăh vă pơklaih dôm tơhlăk tơhlĭn adoi nhen tơchơ̆t drơ̆ng nơ̆r dôm trong jang 'nao lơ̆m tơdrong ming man anih jang, unh hơyuh rơgoh, tơjră hăm hơyuh tô̆ 'mi tơplih, vei lăng thong đak vă hơtŏk tơdrong tơbôl jang hadoi kơ 2 teh đak hơtŏk pran hloh păng tơnăp hloh dơ̆ng lơ̆m khei năr truh.